Японияга махсус мақомда борган ишчилар 5 йилдан кейин оиласини ҳам олиб кетиши мумкин

Ўзбекистон ва Япония ўртасида имзоланган меморандумга мувофиқ, япон тилини билиш даражаси бўйича тест синовларидан ва мутахассислиги бўйича амалиёт имтиҳонидан ўтганларга «махсус малакали ишчилар» мақоми берилади. Улар Японияда 14 турдаги соҳада 10 йилгача ишлаши, 5 йилдан сўнг ўз оиласини ҳам олиб кетиши ва ўз бизнесини бошлаши мумкин бўлади. Уларга камида 1800−2000 доллар маош тўланади.